Deri më tani për super-kompjuterët kemi shkruar ekskluzivisht në kontekstin e më të fuqishmëve, më të shpejtëve, më të shtrenjtëve dhe parametra të ngjashëm. Na gëzon fakti se për herë të parë mund të shkruajmë për mundësinë e blerjes së një super-kompjuteri për përdorim shtëpiak.Në krejt muhabetin rreth super-kompjuterit ka vendosur të kyçet edhe Microsoft, derisa bashkëpunimi i kësaj kompanie me prodhuesin Cray ka rezultuar me modelin CX1, të cilin për nevoja personale mund ta blej kushdo. Natyrisht, ata që janë të gatshëm që për kompjuter të ndajnë 25.000 dollarë e më shumë.
Pos Microsoftit në punimin e kompjuterit CX1 është përfshirë edhe Intel, prandaj ky është super-kompjuteri i parë i cili shfrytëzon procesorët e prodhuesit në fjalë.
Si do që të jetë, për çmimin fillestar prej 25.000 dollarë shitet CX1, një super-kompjuter i pajisur deri në 16 procesorë Intel Xeon, 64 GM memorie sipas numrit të procesorëve dhe deri në katër terabajt të hapësirës së dhënave.
Sa u përket programeve, Cray CX1 është i bazuar në platformën Windows HPC Server 2008, mirëpo në të mund të sillet edhe Red Hat Linux Enterprise v5.
Cray CX1