Nuk është puna që Beyonce e Brad Pitt janë të rrezikshëm vetvetiu, por është i rrezikshëm kërkimi i informatave në internetit për ta. Së paku kështu pohojnë në taborin e kompanisë për siguri kompjuterike - McAffee.
Sipas pohimeve të McAffee, aktori i përmendur dhe këngëtarja janë në mesin e të famshmëve më të rrezikshëm mbi të cilët përdoruesit kërkojnë informata në internet. Arsyeja për këtë qëndron në faktin se cyber-kriminelët më së shpeshti shërbehen pikërisht me emrat e tyre që vizitorët e pafajshëm të internetit t’i tërheqin në hapësirat e tyre të infektuara të uebit.
Duke shfletuar internetin në kërkim në fotografive, artikujve apo informatave të ngjashme që kanë të bëjnë me aktorin Brad Pitt keni madje 18 për qind gjasa që do të merrni virus, trojan apo ndonjë sulm tjetër të ngjashëm. Brad Pitt është kategorizuar si më i rrezikshmi sipas këtij parametri, derisa në lidhje me femrat më së shpeshti do të merrni viruse nëse kërkoni materiale që kanë të bëjnë me këngëtaren seksipile Beyonce.
“Cyber-kriminelët përdorin metoda të ndryshme për të shpërndarë sulmet e tyre, mirëpo njëra prej më të thjeshtave është dhe më e efektshmja, e ajo bazohet në interesimin e njerëzve për të famshmit dhe ngjarjet aktuale”, ka deklaruar Jeff Green, nënkryetar i laboratorit të McAffee-së - Product Development & Avert Labs.
Wed Oct 22, 2008 6:29 am